زيارة البابا تفضح الاستعدادات الدعائية للحكومات المحلية: ترميم وترقيع في أوقات المناسبات فقط

هاف بوست عراقي ـ  رصد هاف بوست عراقي، الاحد 28 شباط 2021، تدوينة لمواطن يروي فيها الاستعدادات لزيارة البابا في شهر اذار المقبل، مبينا بانه تم قطع الكهرباء عن المنازل ورفع الاسلاك لاظهار المنطقة بمنظر جميل وانيق!، واصفا الاستعدادات بالفضيحة.

ويطرح الناشط السؤال: ماذا لو استعدت الحكومات المحلية بمثل الاستعدادات التي شرعت بها في بعض مناطق بغداد ومحافظة ذي قار، لمناسبة زيارة البابا، وان لايكون عملها دعائي مرائي في اوقات المناسبات فقط.

وكتب المواطن على صفحته في فيسبوك (باللهجة الدارجة): احنه عايشين ببغداد بمنطقة الكنيسة الي راح يجي بيها الپاپا، بتاريخ ٢/٢٦ الساعة ١١ الصبح تقريباً قطعوا علينا وايرات المولدة والسبب انو عيب يجي الپاپا ومنظر الوايرات مو حلو! ووعدونا ينطونا بمكانها وطنية طول الوقت.. وكذب من ١١ الصبح لحد ساعة ٧ ونص بالليل احنه لا كهرباء لا مي لا شحن، اجت الوطنية ساعتين ورجعت طفت وحالياً احنه بدون كهرباء.

واضاف: يعني قطعوا علينا الكهرباء قبل أسبوع من جية الپاپا، ماعرف شگول، ها وطبعاً گالوا لأهل المولد ممنوع يرجعون أي خط نهائي. والله يعني كم يوم راح انظل بهذا الحال؟! طبعاً أهلاً وسهلاً بالپاپا وجيته، هذه خطوة جيدة، لكن آني حبيت أشوفكم ازدواجية الحكومة وكذبها، هي مموفرة إلنا كلشي لكن بنفس الوقت ضررتنا حتى بس تنطي صورة حلوة وبنفس الوقت كاذبة. 

وتشكو شوارع بغداد الاهمال وعدم الاكساء على رغم الوعود والمبالغ الطائلة المرصودة، ومنذ العام 2003 وحتى الآن، أعلنت مئات المشاريع الخدمية والعمرانية في بغداد، إلا أن أكثرها لم تنفذ.

وحالت الأوضاع الأمنية والسياسية غير المستقرة التي رافقت السنوات الماضية من دون إنجاز العديد منها، ومع ذلك لم يكن السبب الوحيد الذي أدى إلى تلكؤ المشاريع أو عدم إنجازها.

البيروقراطية الإدارية وغياب الخطط الصحيحة وعدم تشريع القوانين المرنة الجاذبة للاستثمار، إضافة إلى الفساد المالي والإداري، كل ذلك أدى الى تردي الواقع الخدمي والعمراني وظهور عشرات المشاريع المتلكئة في العاصمة.

 

مصادر: وكالات – تواصل اجتماعي – رصد وتحرير و نشر محرري الموقع 

وكالة تنشر النصوص بلا قيود..  المواد المنشورة تعبر عن وجهة نظر مصدرها

اكتب لنا: iraqhuffpost@gmail.com

262 متابع ...
0 0 vote
Article Rating
Subscribe
نبّهني عن
guest
0 تعليقات
Inline Feedbacks
View all comments