هف بوست عراقي (hpi)(الحقيقة بلا فلتر 🔥):
(ادرجنا اسمكم في القائمة الارسالية لأهميته، ارجو حفظ رقم التليفون لديكم باسم ((رئيس تحرير هف بوست عراقي))..، تقبّل منا ذلك وحريصون على التواصل معك 📌 ):
كتب جقلمبة: اسمعوا يا ولد الخايبات والمدللات على حد سواء.
محمود المشهداني ينقل عن مصطفى الكاظمي كلام يفجر الراس! .
يقول أن الكاظمي قال لي شخصياً: “كل المغيبين السنة صاروا في بطن دجلة، والجميع شارك بذبحهم”. طبعا يقصد أحزاب الشيعة والفصائل.
شهادة تجنن والله، يا ناس، كأنها فيلم رعب ، واحد يحجي والثاني يبلعها وهو زعيم سني مال آخر وكت.
ليش ما ترحون تسألون مصطفى الكاظمي: يابة صحيح هذا الكلام.. و ليش تسكت؟ إذا عندك هالمعلومات الحارة، ليش ما تطلعها قدام الكاميرا وتقولها للجهات المختصة؟ ليش ما تتحرك وتفتح الملف؟، لو تخاف من “كصة الاذن”؟
لو لأن الجماعة خلوك رئيس حكومة كم شهر .. لازم تسكت.
والجهات المختصة يا أهل الشوارب وينكم ؟ شنو شغلكم..
لو بس قاعدين تشربون شاي وتقبضون رواتب؟ ليش ما تحققون بكلام الكاظمي.. وانتم يا قوى سنية .. ليش منطمرين
تركضون ورا المناصب والمقاولات وبناء المولات والفنادق، وعايفين الجريمة الاكبر.
صالح المطلك، يا من تسمي نفسك زعيم السنة وأنت قاعد على كومة فلوس جنيتها على حساب الشعب المسكين! ليش ما تتحرك يا بطل النهب والتقفيص على أموال المهجرين ؟ شنو تنتظر؟ الشعب يدفن في دجلة كما يقول الكاظمي؟ ..
يا من تبيع الدم على قاعدة “أنا الانسان الوحيد والباقي كلاب”، حرك ضميرك، يا تاجر المواقف.
ويطلع السؤال الكبير: إذا كان كل هذا كذب وادعاء فاضي وماكو شي، فأين الجهات المختصة من هالتصريحات اللي تخبل الراس وتثير الفتنة الطائفية؟ .
ليش ما تحاسبون الكاظمي على تصريحه الخطير؟ ..
لكن هذ مستحيل يحدث في دولة “شي يغطي على شي”.
الشعب تعبان، يا ناس، والمدن مليانة جوع وفقر، وهم مشغولين يصرحون من قصورهم المطلة على دجلة.
والله العظيم، لو الشارع يحكم كان كلكم تصيرون في بطن دجلة!.
#هف_بوست_عراقي
( قناة واتساب) :https://whatsapp.com/channel/0029Var8RSgL2AU8BzPOfR1M
💎مجموعة واتساب: https://chat.whatsapp.com/L3QHH3pMECBHzrw6Z3bzr2?mode=gi_t
💎القناة على تلغرام: https://t.me/iq_huff
💎 المنصة: https://iraqhuffpost.com/
