هف بوست عراقي (hpi)(الحقيقة بلا فلتر 🔥):
عدنان ابوزيد
احكي لكم قصة جسر في الحلة، بناه الإنجليز العام ١٩٢٠ .
قصة الجسر وحدها تفضح الحكومات اللا اتحادية والمحلية والعمائم والنزاهة ولقاء الإعلاميين والفنانين برؤساء الحكومات، لانها تفضح على لسان الفلاح صاحب الأقدام “المفطّرة”: ماكو أولويات .. بس هوبعة واعلام وقبض ماكو.
كل حكومة اتحادية ومحلية تزرب على هذا الجسر وتمضي.
والغريب أن كل مسؤولي بابل يهرعون في كل سنة الى الحج والسبحة متر بركابهم، ومعهم وزراء ونواب، لو تحطّهم بميزان الغيرة ما يطلع بيهم صاع خردل!.
في لقاء الزيدي بالاعلاميين والفنانين ، تلمح بوضوح الديرم واحمر الشفاه والشفط حتى بين الرجال.. بينما جسور العراق متروكة مثل جيفة لا احد يتقرب منها.
أيا “مناعيل الوالدين” جسر الحلة يفضحكم وينبش أبو سلفا سلفاكم.
تجيك الحكومات، تقعد ويا فنانين ينعقون وراء كل ناعق، الواحد بيهم عبالك طاوس منفوش وهو لو تنفخ عليه يطير مثل ريشة الدجاجة.
والإعلاميين؟ واقفين بالسرّة مثل (….. ) المنتظرة الفتات، يلوقون ويمسحون أكتاف بس علمود “النثريات” والمخصصات الدسمة.
والكل منفوخ، والكل يباوع للثاني بشزر، والكل يتصور نفسه، هو وبس، وعبالك هو اللي مخترع الذرّة،
وفي الواقع، ان جيوشهم الالكترونية، والعلاقات الباطنية، أخس من مية المجاري!.
جاء الحزب الفلاني وشال علم، وأعلن الحزب الغزلاني وسوّى هوبعة، وصرح رئيس التحالف العضروطي بالإصلاح والنزاهة.. والنتيجة شنو؟ .
هذا الجسر العتيك بالحلة! ولكم يا سرسرية، يا لوكيّة، من زمن الإنكليز لهسة باقي يراوح بمكانه، عبالك أثر تاريخي مو درب تمشي عليه الوادم!.
بدل هالمواكب المرعبة مال رئيس الجمهورية ورئيس الحكومة الضاغطين بيها على عصب الشارع، وبدل الرواتب والمليارات والحمايات اللي تارسة الدرب في زيارة الرئيس للنجف (موكب إله أول ماله آخر عبالك زفة عرس هتلر)، جان بأسبوعين.. أسبوعين بس! تفلّش هذا الجسر الخرا.. وتبني بمكانه هيكل جديد ويفضها لهالدوخة.
بس لا عمي، تناوبوا على المحافظة أشكال وألوان، من المحافظين “الأوفياء الأتقياء” النزيهين لآخرهم محافظ العصائب، والكل نفس الطاس ونفس الحمام. الكل جاي يبوق والكل لابس قناع الدين والوطنية.
وداعتكم احنة عبارة عن “قشامر” وهتلية .. ما يصير برأسنا حظ للأبد، لأننا وبكل بساطة كلنا مهاويل، نرقص بكل حماسة لكل حكومة جديدة مثل القرود.
(ادرجنا اسمكم في القائمة الارسالية لأهميته، ارجو حفظ رقم التليفون لديكم باسم ((رئيس تحرير هف بوست عراقي))..، تقبّل منا ذلك وحريصون على التواصل معك 📌 ):
#هف_بوست_عراقي
( قناة واتساب) :https://whatsapp.com/channel/0029Var8RSgL2AU8BzPOfR1M
💎مجموعة واتساب: https://chat.whatsapp.com/L3QHH3pMECBHzrw6Z3bzr2?mode=gi_t
💎القناة على تلغرام: https://t.me/iq_huff
💎 المنصة: https://iraqhuffpost.com/
